शिशिर योगीले गाए बुद्ध

नेपाली सांगीतिक क्षेत्रका लाेकप्रिय कलाकार शिशिर योगीले गीतकार केशवराज राजभण्डारीकाे बुद्ध जीवन गीतलाई मीठाे स्वर दिएका छन्।

पूर्व निर्वाचन आयुक्त राजभण्डारी एक कुशल शासककाे रूपमा परिचित थिए। भजनसम्बन्धी उनकाे केही गीत रेकर्ड भएकाे छ भने अध्यात्मसम्बन्धी थुप्रै पुस्तक पनि प्रकाशित छन्।

बुद्ध जयन्तीको अवसरमा ल्याइएकाे गीतकाे संगीत संयोजन गोपाल रसाइलीले गरेका हुन्। साे गीतलाई संगीतकार राजु सिंहकाे जादुमय संगीतले जीवन्त तुल्याएकाे छ।

त्यस्तै गितारमा गोपाल रसाइली र बाँसुरीमा उमेश पण्डित रहेका छन्। भावमा डुबेर बजाउन सक्ने पण्डितकाे कलाले गीत उत्तिकै बेजाेड बनेकाे छ। साे गीतकाे छायांकन र दृश्य सम्पादन विरेन्द्र भाट विपीन गरेका छन्।

गायक याेगीले गीतलाई मीठाे स्वर मात्रै दिएका छैनन् उनकाे अभिनय काैशलले गीतमा सुनमा सुगन्ध पनि थपेकाे छ।

शिशिर याेगी अफिसियल युट्युव च्यानलबाट रिलिज भएको गीतले संसारभरिका मानव कल्याणका लागि बुद्धको सन्देश प्रवाहित गरेकाे छ।

याेगीकाे उक्त युट्युव च्यानलबाट मानिस खाेजिरहेछु, कर्णालीपारि, बाेल्ने काेही छैन, सांरगी त रेटे पनि, मरिलानु के नै छ र जस्ता सयाैं गीतकाे रसास्वादन लिन सकिने छन्।