आयोजक न्युटन हाइ स्कुलका तीन टोली शनिबार प्रथम न्युटन एसइई कप थ्री बाइ थ्री बास्केटबल प्रतियोगिताको क्वार्टरफाइनलमा प्रवेश गरेका छन्।
बालुवाटारस्थित घरेलु कोर्टमा जारी प्रतियोगितामा न्युटनको ब्वाइजमा दुई तथा गर्ल्समा एक टोली क्वार्टरफाइनलमा पुगे। ब्वाइजमा न्युटन ‘ए’ ले ऋत एकेडेमी ‘ए’ लाई १८–१५ तथा न्युटन ‘सी’ ले क्यान्भासलाई १६–१० ले पराजित गरे। सोही स्पर्धामा एचएचसिए ‘ए’ ले एन्जल्स हार्टलाई १८–१५, हुपर्सले न्युटन ‘बी’ लाई १७–१६, दि लियोसले फेरिल्यान्डलाई १४–१०, भ्याली पब्लिकले ब्रुक्सलाई १५–१०, सरकारले एचएचसिए ‘बी’ लाई १३–१० र ग्रिनल्यान्ड ‘ए’ ले गोल्डेनपिकलाई १९–१८ ले हराउँदै क्वार्टरफाइनलमा स्थान पक्का गरे।
गर्ल्समा न्युटन ‘बी’ ले टिम सोनिसलाई १३–११ ले पराजित गर्यो। गल्र्समै पृथ्वीले एन्जल्स हार्टलाई १४–१३, वसुन्धरा नेसनल एकेडेमी (बिएनए) ले न्युटन ‘ए’ लाई १५–१०, ग्रिनल्यान्डले न्यु एरालाई १८–१२, क्यान्भासले मानसिंहलाई १२–१०, भ्याली पब्लिकले लालीगुराँस नेसनल एकेडेमी (एलएनए) लाई १६–१४, फेरिल्यान्डले ग्याबालाई १५–१३ र के सुपरभिजनले एचएचसिएलाई १४–१० ले पाखा लगाउँदै क्वार्टरफाइनल यात्रा तय गरे।
प्रतियोगिताको प्याब्सनका केन्द्रीय उपाध्यक्ष थकिनकुमार गुरुङ, न्युटनका प्रिन्सिपल रामबहादुर केसी र न्युटनका कार्यकारी निर्देशक रमेश पन्थीले निर्णायकलाई बल हस्तान्तरण गरी एक कार्यक्रमबीच उद्घाटन गरे।
दुवै समूहमा विजेताले १० हजार र उपविजेताले पाँच हजार नगद पुरस्कार पाउनेछन्। उपाधि विजेता, उपविजेता, नकआउट चरणमा पुग्ने टोली र सहभागी टोलीको प्रत्येक खेलाडीलाई विभिन्न प्रतिशतमा छात्रवृत्तिको पनि व्यवस्था गरिएको छ। प्रतियोगिता आइतबार सम्पन्न हुनेछ।
Leave a Reply