यी हुन् कर्णाली प्रदेशको मन्त्रिपरिषदले गरेको ६ निर्णय

कर्णाली प्रदेशको मंगलबार बसेको मन्त्रिपरिषद वैठकले विभिन्न ६ वटा निर्णय गरेको छ । बिहान बसेको मन्त्रिपरिषद वैठकले भत्ता वितरणका लागि अख्तियारी दिने, कार्यविधि स्वीकृत गर्ने लगायतका निर्णयहरु गरेको हो ।
सहिद स्मृति भत्ता वितरणका लागि २ करोड ५५ लाख ७२ हजार जीवननिर्वाह विशेष भत्ता वितरणका लागि २ करोड २९ लाख ८० हजार गरी कुल ४ करोड ८५ लाख ५२ हजार रुपैयाँ वितरण गन आर्थिक मामिला तथा योजना मन्त्रालयलाई अख्तियारी दिने निर्णय मन्त्रिपरिषदले गरेको छ ।
आयोजना प्रस्ताव तथा छनौट प्रक्रिया सम्बन्धी (दोस्रो संशोधन) कार्यविधी २०८२, कर्णाली प्रदेश समपुरक अनुदान सम्बन्धी (पहिलो संशोधन) कार्यविधि, २०८२, कर्णाली प्रदेश विषेश अनुदान सम्बन्धी (पहिलो संशोधन) कार्यविधि, २०८२ स्वीकृति गर्ने र कर्णाली प्रदेश सशर्त अनुदानसम्बन्धी (पहिलो संशोधन) कार्यविधि, २०८२ लाई स्वीकृत गर्ने निर्णय मन्त्रिपरिषद वैठकबाट गरिएको हो ।
यस्तै लैङ्गिक हिंसा प्रभावितका लागि घटना व्यवस्थापन तथा प्रेषण प्रक्रिया निर्देशिका, २०८२ स्वीकृत गर्ने निर्णय गरिएको कर्णाली प्रदेश सरकारका प्रवक्ता विनोदकुमार शाहले जानकारी दिए ।