जुवा खेलिरहेका ११ जना पक्राउ

सुर्खेतको वीरेन्द्रनगरबाट जुवातास खेलिरहेको एक समूहलाई प्रहरीले पक्राउ गरेको छ । बिहिबार बेलुका वीरेन्द्रनगर–८ खजुराबाट जुवा खेलिरहेका ११ जनालाई पक्राउ गरिएको जिल्ला प्रहरी कार्यालय सुर्खेतले जनाएको छ । गोप्य सूचनाका आधारमा प्रहरीले उनीहरुलाई पक्राउ गरेको हो ।
पक्राउ पर्नेहरुमा वीरेन्द्रनगर–८ को रुद्रप्रसाद खनाल, दुर्गबहादुर पुलामी, सुनिल गौतम, जगतबहादुर राना, सुरतबहादुर शाही, बिरजंग शाही, रेशम मल्ल, रमेश खाँण, दानबहादुर सिंह, वीरेन्द्रनगर–१० का अशोक कुमार खड्का र बिनोद मल्ल रहेका छन् ।
उनीहरु रुद्रप्रसाद खनालको घरमा जुवा खेलिरहेको अवस्थामा पक्राउ परेको जिल्ला प्रहरी कार्यालय सुर्खेतका प्रवक्ता डिएसपी मोहनजंग बुढथापाले जानकारी दिए । उनका अनुसार पक्राउ परेकाहरुको साथबाट ५८ हजार ९४० रुपैयाँ नगद पनि बरामद गरिएको छ ।