अख्तियार प्रमुख राईको राजीनामा माग सुमना श्रेष्ठको सचिवालयबाट तयार

गत २१ असोजमा नेपाली मिडियाहरूमा अख्तियार प्रमुख प्रेमकुमार राईको राजीनामा माग भयो । राजीनामाको पहिलो माग सार्वजनिक रूपमा मिडियालाई दिने काम जेन–जीका अगुवाले गरेका थिएनन् । अगुवाइ गरेकी थिइन् आकृति घिमिरेले ।
आकृति सुमना श्रेष्ठकी सहयोगी हुन् । सुमना श्रेष्ठ मन्त्री हुँदा सूचना प्रवाह गर्न बनेको पत्रकार जोडिएको ग्रुपको नाम अहिले प्रेस ग्रुप छ । सोही ग्रुपबाटै सबैभन्दा पहिले उक्त सूचना चुहिएको हो ।
ग्रुपमा भएका पत्रकारहरूले सूचना अघिल्लो दिनै पाएका थिए । भोलिपल्ट जोडतोड रूपमा सार्वजनिक भयो । जेन–जी मुभमेन्ट एलाइन्सको नाम दिएर यस्तो माग राखिएको थियो । राई पक्षधरले पनि काउन्टर गरे । जेन–जी इन्डिजेनस भन्दै आदिवासीलाई लक्षित गरिएको भन्दै विज्ञप्ति जारी गरेको थियो ।
सुमनाको सचिवालयले अभियान चलाएको दुई दिन अर्थात् २३ असोजमा संग्रामसिंह किराँती संयोजक रहेको जेन–जी इन्डिजेनसले विज्ञप्ति जारी गरेको थियो ।