थाई एयरवेजको उडान पुनः सुरु

थाई एयरवेजले नेपालमा आफ्नो सेवा पुनः सुरु गरेको छ। थाई एयरवेजले सन् १९६८ मा बैंककदेखि कलकत्ता हुँदै काठमाडौंसम्मको उडानमार्फत नेपालमा आफ्नो वायु सेवा सुरु गरेको थियो। एयरवेजको आधा शताब्दी लामो यात्रामा कोभिड महामारीका कारण मार्च २०२२ मा रोकिएको थियो।

नेपालमा पुनः उडान सञ्चालन भएको डेढ महिनाभित्रै राम्रो प्रतिक्रिया प्राप्त गरेपछि थाई एयरवेजले १५ डिसेम्बर २०२३ मा दोस्रो दैनिक उडान सुरु गरेको जनाएको छ।

थाई एयरवेजका डिरेक्टर अफ सेल्सखुन विट किचाथोर्नले काठमाडौं र बैंककबीचको उडान सेवा पुनः सुरु भएको र यसले नेपाललाई थाइल्यान्ड लगायत विश्वका ३० अन्तर्राष्ट्रिय गन्तव्यसँग जोड्ने बताए।

सोसाइटी इन्टरनेसनल ट्राभल सर्भिसेजका एक्जुकेटिभ चेयरम्यान र आरआर ग्रुप अफ कम्पनीका ग्रुप चेयरम्यान रविचन्द्र सिंहले काठमाडौं र बैंककलाई उडानमार्फत जोड्दै सेवाहरू पुनः सुरु गर्न पाउँदा भएको उल्लेख गर्दै सांस्कृतिक विविधता र प्राकृतिक सौन्दर्य खोज्ने यात्रुहरूका लागि नेपाल सधैं लोकप्रिय गन्तव्य भएको बताए।