छुट्टाछुट्टै स्थानमा आगलागी हुँदा नवजात शिशुसहित ३३ जनाको मृत्यु

भारतको विभिन्न स्थानमा शनिवार भएको आगलागीमा परी ३३ जनाको मृत्यु भएको छ। पूर्वी दिल्लीको विवेक विहार क्षेत्रमा शनिवार एउटा बच्चाको अस्पतालमा आगलागी हुँदा ६ जना नवजात शिशुको मृत्यु भएको छ।

दिल्ली प्रहरीका अनुसार राति करिब ११ः३२ तिर अस्पतालमा आगो लागेको थियो।

प्रहरीले आगलागी पछि १२ जना नवजात शिशुको उद्धार गरिएको र उपचारको क्रममा ६ जनाको मृत्यु भएको बताएको छ। अन्य ६ जनाको उपचार भेन्टिलेटरमा भइरहेको छ।

हालसम्म अस्पतालमा भएको आगलागीको कारण खुल्न सकेको छैन।

यस्तै, भारतको गुजरातस्थित राजकोटमा भएको आगलागीमा परी २७ जनाको मृत्यु भएको छ।

राजकोटस्थित गेमजोनमा भएको आगलागीका कारण मृत्यु हुनेमा ९ जना बालबालिका पनि रहेका छन्।