नेपाली कांग्रेसले आजदेखि सहकारी प्रकरणलाई केन्द्रीत गरेर सडक प्रदर्शन सुरु गर्दै छ।
सहकारी ठगीका आरोपित उपप्रधानमन्त्री एवं गृहमन्त्री रवि लामिछानेसहित ठगीमा संलग्नहरूलाई कारबाही र सर्वसाधारणको वचत फिर्ताको माग गर्दै विपक्षी दल काँग्रेसले आज दिउँसो १ बजे भृकुटीमण्डप प्रदर्शनी मार्गबाट विरोध प्रदर्शन गर्न लागेको हो।
बुधवार बसेको केन्द्रीय समिति र संसदीय दलको संयुक्त बैठकले गरेको निर्णय अनुसार कांग्रेसले आजदेखि सडक प्रदर्शन सुरू गर्न लागेको काठमाडौँ १० का प्रतिनिधि डा. डिला सङ्ग्रौलाले बताइन्।
उनले शान्तिपूर्ण रुपमा गरिने विरोध प्रदर्शनका लागि सबै तयारी भइसकेको पनि बताइन्।
सङ्घीय संसद्मा निरन्तर अवरोध गर्दै आएको कांग्रेस अब सहकारी मुद्दालाई लिएर सडकमा उत्रिएको छ। पहिलो चरणमा काठमाडौं उपत्यकामा विरोध प्रदर्शन गर्ने निर्णय गरेको कांग्रेसले यहाँका १५ वटै निर्वाचन क्षेत्रमा केन्द्रीय समितिबाट प्रतिनिधि खटिएका छन्।
Leave a Reply