सनराइजर्स हैदरावादले इन्डियन प्रिमियर लिग (आईपीएल) को प्ले अफमा स्थान सुरक्षित गरेको छ।
वर्षाका कारण बिहीवारको खेल रद्द भएसँगै १ अङ्क पाएको हैदरावादले प्ले अफमा स्थान सुरक्षित गरेको हो। टस समेत हुन नसकेको गुजरात टाइटन्स र हैदरावादबीचको खेल वर्षाका कारण रद्द भएसँगै दुबै टिमले समान १/१ अङ्क पाए।
गुजरात र हैदरावादबीचको खेल रद्द भएका कारण दिल्ली क्यापिटल्स पनि प्ले अफको रेसबाट बाहिरिएको छ। खराब रनरेटका कारण दिल्लीको प्ले अफ यात्रा टुङ्गिएको हो।
हैदरावादले बिहीवारको म्याच हारेको खण्डमा भने दिल्लीको प्ले अफ यात्रा जारी रहन्थ्यो। अब प्ले अफमा पुग्ने एक टोलीको स्थान खाली छ। यसअघि शिर्ष स्थानमा रहँदै कोलकोत्ता नाइट राइडर्स र दोस्रो स्थानमा रहँदै राजस्थान रोयल्सले प्ले अफमा आफ्नो स्थान सुरक्षित गरिसकेको छ।
अब चेन्नई सुपर किङ्ग्स, रोयल च्यालेन्जर्स बैङ्गलोर र लखनउ सुपर जाइन्ट्समध्य एक टोलीले मात्रै प्ले अफमा आफ्नो स्थान सुरक्षित गर्ने छ।
Leave a Reply