संसद बैठक अझै सुरु हुन सकेन, सभामुख र दलहरू छुट्टाछुट्टै छलफलमा

आज बस्ने भनिएको प्रतिनिधि सभाको बैठक अझै सुरु हुन सकेको छैन। संसद सचिवालयले बिहान ११ बजेका लागि बैठक बस्ने समय तोकेको थियो। तर, बैठक सुचारु हुन समय लाग्ने भएको छ।

संसद सहज रुपमा सुचारु गर्ने विषयमा सत्ता पक्ष र विपक्षका दलहरूबीच सहमति हुन नसक्दा सभामुख देवराज घिमिरेले दलका प्रमुख सचेतकहरू छलफल सुरु गरेका छन्।

सभामुखसँगको छलफलपछि कार्यव्यवस्था परामर्श समितिको बैठक राख्ने तयारी रहेको छ।

यता, प्रमुख प्रतिपक्षी नेपाली कांगे्रसले आफ्नो मागलाई यथावत राख्ने बताएको छ। संसदीय दलको बैठक लगतै कांग्रेस र अन्य विपक्षी दलहरू अहिले आन्तरिक छलफलमा छन्। संसदमा कसरी प्रस्तुत हुने विषयमा छलफल भइरहेको बुझिएको छ।