लुम्बिनीको अखण्ड शान्ति दीपको ज्योति सगरमाथा आधार शिविर लगिएको छ। बुद्धको जन्मस्थल लुम्बिनी र विश्वकै सर्वोच्च शिखर सगरमाथालाई एकैसाथ पहिचान गराई पर्यटन प्रवर्द्धन गर्ने उद्देश्यले लुम्बिनीको अखण्ड शान्ति दीपको ज्योति बिहिबार सगरमाथा आधार शिविर लगिएको हो।
नेपाली ओलम्पियन, एथलेटिक्स बक्सिङका राष्ट्रिय खेलाडीहरुको टोलीले शान्ति दिपको ज्योति सगरमाथा प्रस्थान गरेको जनाएको छ।
ओलम्पियन बैकुण्ड मानन्धरको नेतृत्वमा एथलेटिक्सका राष्ट्रिय खेलाडी अर्जुन घिमिरे,सुरेन्द्र महर्जन,ट्रेल रनर बाबुराजा घिमिरे,बक्सिङका दिपक तामाङ,साउथ एशियन म्याराथन धवक राधा श्रेष्ठ सहितको ६ सदस्यीय टोलीले शान्ति दीपबाट लिएको पिस फ्लेम बोकेर मायादेवी मन्दिर,पुष्करणी पोखरी र अशोक स्तम्भ परिक्रमा गरी निग्रोधाराम र तिलौराकोट पुगेर त्यहाँको परिक्रमा गरी प्रस्थान गरेका हुन्।
टोली सो ज्योति लिएर जेठ १४ (मे २७)मा सगरमाथा आधार शिविर पुग्ने कार्यक्रमका आयोजक बिक्रम पाँडेले बताए।
पिस फ्लेमले जेठ १४ मा सगरमाथाको आधार शिविर परिक्रमा गराएपछि विश्वको सबैभन्दा अग्लो स्थानमा आयोजित तेन्जिङ हिलारी एभरेष्ट म्याराथन शुभारम्भ गरिने म्याराथनका परिकल्पनाकार पाँडेले बताए।
ओलपिक स्तरको म्याराथनका लागि ३३ मुलुकका १८० विदेशी सहित २ सय ५० जना धावकले भाग लिने उनले बताए।
पाँडेले सद्धार्थ गौतम बुद्धको जन्मस्थल लुम्बिनीको अखण्ड शान्ति दीपबाट शान्ति ज्वाला प्रज्वलन गरी हरेक बर्ष सगरमाथाको लागि शान्ति टर्च मार्च निकाल्दै आएको जानकारी दिए।
Leave a Reply