प्रहरीले संसद् भवनबाहिर फुटपाथमा हिँड्न रोक्याे

प्रहरीले नयाँ बानेश्वरमा रहेको संसद् भवन बाहिरको फुटपाथमा हिंड्न रोक लगाएको छ।

शुक्रबार बिहान संसद् भवन बाहिर नेपाली कांग्रेस निकट विद्यार्थी संगठन नेपाल विद्यार्थी संघले प्रदर्शन गरेपछि प्रहरीले सर्वसाधरणलाई हिँड्न रोक लगाएको हो।

जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले संसद् भवन अगाडि प्रर्दशन गर्न लागेकाले सुरक्षा व्यवस्था थप कडा गरिएको जानकारी दिए। त्यहाँ सर्वसाधारणलाई हिँड्न रोकिएको उनको भनाइ छ।

फुटपाथबाट हिँड्न नदिएपछि पैदलयात्रीहरूले सडकबाटै हिँड्नुपर्ने भएको छ।