कान्सको रेडकार्पेटमा मेयर बालेन शाह

कान्स फिल्म फेस्टिभलको रेडकार्पेटमा काठमाडौं महानगरका मेयर बालेन शाह सहभागी भएका छन्।

शाहले शुक्रबार साँझ सामाजिक सञ्जालमा रेडकार्पेटमा सहभागी भएको तस्बिरहरु सेयर गरेका छन्।

उनले तस्बिरसंगै कान्स फिल्म फेस्टिभलमा निमन्त्रणका लागि मेयर डेभिड लिसनार्ड धन्यवाद दिएका छन्।

कान्सका मेयर डेभिड लिसनार्डको निम्तोमा मेयर शाह फेस्टिभलमा सहभागी हुन मंगलबार फ्रान्स गएका थिए।

मेयर शाहका साथमा व्यवस्थापन सल्लाहकार कुमार व्यञ्जनकार र पूर्वाधार सल्लाहकार सुनिल लम्सालसमेत रहेका छन्।

मेयर शाहले ३ दिनको कार्यक्रममा सहभागी भएर जेठ ७ गते स्वदेश फर्कने कार्यक्रम गरेको छ।