लडेर एकजना महिलाको मृत्यु

ट्वाइलेट जाने क्रममा घरको पहिलो तल्लाबाट लडेर भक्तपुरमा एकजना महिलाको मृत्यु भएको प्रहरीले जनाएको छ।

जिल्लाको सूर्यविनायक नगरपालिका-५ कटुन्जेमा ट्वाइलेट जाने क्रममा घरको पहिलो तलाबाट लडेर गम्भीर घाइते भएकी खोटाङ ऐसेलुखर्क गाउँपालिका ५ घर भई हाल कटुन्जेमा डेरा गरी बस्ने जमुना भट्टराईको मृत्यु भएको हो।

घटनापछि उपचारका लागि उनका परिवारले अस्पताल लगेकोमा उपचारकै क्रममा उनको मृत्यु भएको प्रहरीले जनाएको छ।

घटनास्थलमा प्रहरी वृत जगाती भक्तपुरबाट अनुसन्धान अधिकृतसहितको प्रहरी टोली खटिई प्रारम्भिक अनुसन्धान गरिएको परिसरका सूचना अधिकृत राजन कार्कीले जनाए। प्रहरीका अनुसार घटनाका सम्बन्धमा अनुसन्धान भइरहेको छ।