भक्तजन चढेको बस आगलागी हुँदा १० जनाको मृ्त्यु, २५ घाइते

भारतको हरियाणामा भक्तजन चढेको बसमा आगलागी हुँदा १० जनाको मृ्त्यु र २५ घाइते भएका छन्।

कुण्डली–मानेसर–पलवल द्रुतमार्गको नुहको तावडुमा श्रद्धालुहरुले भरिएको बसमा आगजनी भएको हो। शुक्रबार राती करिब १:३० बजेकाे समयमा आगलागी भएको हो।

दुर्घटनामा ८ भक्तजनको घटनास्थलमै मृत्यु भएको थियो। अन्य २ जनाको उपचारका क्रममा अस्पतालमा मृत्यु भएको जनाइएको छ।

त्यस्तै २५ जनाभन्दा बढी मानिस जलेर घाइते भएका छन्। मथुरा(वृन्दावनबाट भक्तहरू फर्किरहेका थिए।

घाइतेहरुका अनुसार बसमा ६० जना सवार थिए। उनीहरु सबै पञ्जाब–चण्डीगढका मानिसका आफन्त र बासिन्दा हुन्।

उनीहरु दर्शन गरेर मथुरा-वृन्दावनबाट फर्कंदै थिए। गुडिरहेको बसमा आगो देखेपछि स्थानीयले प्रहरी र दमकललाई खबर गरेका थिए। घाइतेहरुलाई हाल विभिन्न अस्पतालमा उपचार भइरहेको छ।