एटिएफ यु–१२ टिम प्रतियोगिता भोलिदेखि

एटिएफ यु–१२ टिम प्रतियोगिता (दक्षिण एसियाली क्षेत्रीय छनोट) भोलिदेखि हुने भएको छ।

नेपाल टेनिस संघको आयोजनामा भोलिदेखि बोइज र गल्र्सको टिम प्रतियोगिता हुन लागेको हो। प्रतियोगितामा बोइजतर्फ सात र गल्र्समा पाँच राष्ट्रले प्रतिस्पर्धा गर्ने आयोजक संघका सदस्यसमेत रहेका प्रतियोगिता निर्देशक अजय विष्टले जानकारी दिए। बोइजमा नेपालसहित भारत, बंगलादेश, श्रीलंका, माल्दिभ्स, पाकिस्तान र भुटान सहभागी हुनेछन्। गल्र्समा पाकिस्तान र भुटानको सहभागिता रहने छैन।

नेपालबाट बोइजमा निश्चल ज्ञवाली, विश्वविशेष डल्लाकोटी र साहनवाज आलमले प्रतिस्पर्धा गर्नेछन्। गल्र्समा अनुश्री धोजु, सारा पन्त र आयुशा जिसीले खेल्नेछन्। नेपाली खेलाडीको प्रशिक्षकमा सूर्यभूषण वज्राचार्य (बोइज) तथा कान्छा खड्गे (गल्र्स) रहेका छन्। एक टिममा ३ खेलाडी रहनेछन्। टिममा २ सिंगल्स र १ डबल्स खेल हुनेछ।

बोइज÷गल्र्स दुवैमा फाइनल पुग्ने २ राष्ट्र काजाकिस्तानमा सेप्टेम्बरमा हुने एटिएफ यु–१२ टिम प्रतियोगिताका लागि छनोट हुने प्रतियोगिता निर्देशक विष्टले जानकारी गराए। शुक्रबारसम्म चल्ने प्रतियोगिताका खेलहरू सातदोबाटोस्थित टेनिस कम्प्लेक्समा हुनेछन्। प्रतियोगिताका लागि प्रशिक्षकको बैठक आइतबार हुनेछ।