जुम्लामा सामुदायिक वन अतिक्रमण गरी लगाइएका स्याउ विरुवा काटेर फालिएको छ। सिंजा गाउँपालिका-६ भाडगाँउमा अवस्थित स्यानीपातल काफलबारी सामुदायिक वन अतिक्रमण गरि लगाइएको स्याउका विरुवा काटेर फालिएको हो।
करिव एक हजार स्याउ काटेर फालिएको स्यानीपातल काफलबारी सामुदायिक वन उपभोक्ता समितिका अध्यक्ष रंगबहादुर रावतले बताए। वन क्षेत्रको पुर्वमा दिलौरी खोला पश्चिममा मासीडाँडा, उत्तरमा भुगाडी हान्ने ठूलो खोला र दक्षिणमा भेडानागी यति चारकिल्ला भित्रको क्षेत्रमा अवैद्यालयमा भएको वन अतिक्रमण हटाइएको हो।
उनका अनुसार सिंजा-हिमा सव डिभिजन वन कार्यालय नराकोट जुम्ला र इलाका प्रहरी चौकी नराकोट जुम्लाको सहयोग, सिंजा गाउँपालिका र वडा कार्यालयको उपस्थितिमा र वन समितिका अध्यक्ष रंगबहादुर रावतको नेतृत्वमा भाडगाँउका स्थानीयहरुको सक्रियतामा विरुवाहरु फालिएको थियो। ८ सय विरुवाले फल्ने थिए। भने दुई सय फल्ने लायक थिए, दुई गाउँका ११ जनाले सामुदायिक वन भित्रको जग्गा अतिक्रमण गरेर उपयोग गर्दै आएका थिए।
उक्त वडामा पर्ने ४ जना जोडु गाउँका र भाडगाँउका ६ जनाले वन अतिक्रमण गरि खाइरहेको सिंजा-हिमा सव डिभिजन वन कार्यालय नराकोट जुम्लाका प्रमुख क्षेत्रबहादुर महतले बताए।
उनले,भने, उनिहरुले कुल १० हेक्टर क्षेत्रफल जग्गा अतिक्रमण गरेका थिए। जसमध्ये ५ हेक्टर स्याउ लगाइएको (उत्पादित) जग्गा छ,भने ५ हेक्टर क्षेत्रफल जग्गा घेरबार गरिएको ओगटेको थियो। प्रमुख क्षेत्रबहादुर महत नागरिक संग भने, हिमा-सव डिभिजन वन कार्यालय नराकोटले २०७३ सालमा उनीहरुलाई हटाउन प्रयास गरिएको थियो।
रमेश बुढाथोकीको संयोजकत्वमा हटाउन खोजिएको हो,त्यतिबेला उनिहरुले प्रति व्याक्त १० हजार रुपैयाँ स्यानीपातल सामुदायिक वनलाई तिरेर आजका दिनबाट सामुदायिक वन भित्र अतिक्रमण गरेको सबै जग्गा छोड्न राजि खुसी छौँ,भनेर कागज गरिएको छ। पछि आफैंले गरेको कागजलाई अटेरी गरि उपयोग गर्दै आइरहेछन्। फेरि २०७८ सालमा फेरि मुद्दा पर्यो,क्षेत्रबहादुर महतले भने,तत्काल अतिक्रमण गरेको जग्गा स्थलगत अवलोकन गरेको थिए।
अहिले स्थानीय र सामुदायिक वन उपभोक्ता समितिका अध्यक्षको सक्रियतामा रोक्न सफल भएको बताए। उक्त वन भित्र कुनै पनि पशुवस्तु छाडा नगर्न भनिएको छ,अटेरी गरेको पाइएमा सामुदायिक वन ऐन अनुसार कार्वाही गरिनेछ।
Leave a Reply