प्रधानमन्त्रीले गाजाको बारेमा ठोस योजना नबनाए राजीनामा दिने इजराइली मन्त्रीको चेतावनी

इजरायलको वार क्याबिनेटका मन्त्री बेनी ग्याट्जले प्रधानमन्त्री बेन्जामिन नेतन्याहूलाई चेतावनी दिएका छन्।

उनले प्रधानमन्त्री नेतन्याहूले गाजा पट्टीको भविष्यको बारेमा कुनै योजना पेश नगरे आफूले वार क्याबिनेटबाट राजीनामा दिने चेतावनी दिएका हुन्।

उनले सरकारलाई ८ जुनसम्म गाजाको विषयमा ठोस योजना पेश गर्न समय दिइएको पनि बताए।

बीबीसीका अनुसार उनले राष्ट्रिय हितको बारेमा नसोचेर निजी स्वार्थको बारेमा मात्रै सोचेको खण्डमा सरकारबाट बाहिरीन आफू बाध्य हुने बताए।

यसअघि पनि इजराइलका नागरिकले प्रधानमन्त्री नेतन्याहूको विरोधमा प्रदर्शन गरेका थिए।

इजराइलले पछिल्लो समय दक्षिणी गाजाको रफाहमा आक्रमण सुरु गरिसकेको छ।