टीओआरमा सहमति नजिक दलहरू, छलफल गर्न कांग्रेसले माग्यो समय

सहकारी संस्था ठगीको विषय छानबिन गर्ने संसदीय समितिको कार्यादेशमा दलहरू सहमति नजिक पुगेका छन्।

कार्यादेश टुंगो लगाउन गठित कार्यदलका सदस्यसमेत रहेका एमालेका प्रमुख सचेतक महेश बर्तौलाले कार्यादेशका विषयमा दलहरू सहमति नजिक पुगेको बताए।

उनले सैद्धान्तिक सहमति भइसकेको बताए। कांग्रेसले छलफलका लागि २० मिनेटको समय माग गरेको पनि उनले जानकारी दिए। उनले आज बेलुकासम्म टीओआरबारे टुंगो लाग्ने पनि बताए।