जिनियस स्कुलले महालक्ष्मी नगरपालिकाभित्रका १४ वटा सामुदायिक विद्यालयका छात्रछात्रालाई छात्रवृत्तिस्वरूप शैक्षिक सामग्री वितरण गरेको छ। जिनियस स्कुल १० वर्ष पूरा गरेको अवसरमा सामग्री वितरण गरेको हो।
अभावका कारण विद्यार्थी शिक्षाबाट बञ्चित हुनु नपरोस् भनेर २८ बालबालिकाहरूको माध्यमिक तहसम्मको शिक्षाको लागि छात्रवृत्ति दिएको जिनियस स्कुलले जनाएको छ।
महालक्ष्मी नगरपालिका मेयर हरिगोविन्द्र श्रेष्ठ र उपप्रमुख लक्ष्मी महर्जनले सामग्री हस्तान्तरण गरेका थिए। कार्यक्रममा विद्यालयका संस्थापक अध्यक्ष नवीन जोशी र कार्यकारी निर्देशक राजेशकुमार जोशीको पनि उपस्थिति थियो।
प्रकाशित मिति : २०८१ जेठ ७ गते सोमबार