विपक्षी दलहरूको विरोधका बीच प्रधानमन्त्रीले विश्वास मत लिँदै

नेपाली कांग्रेसलगायत विपक्षी दलहरूको विरोधका बीच प्रधानमन्त्री पुष्पकमल दाहालले प्रतिनिधि सभामा विश्वास मत लिँदैछन् ।

सोमबारको पहिलो बैठकमा कांग्रेस सांसदहरुले नाराबाजी गरेपछि १५ मिनेटका लागि स्थगित गरेका सभामुख देवराज घिमिरेले दोस्रो बैठकमा भने अवरोधका बीच विश्वासको मतको प्रस्तावलाई अघि बढाएका हुन् ।

प्रतिनिधि सभाको बैठकमा कांग्रेसलगायतका विपक्षी दलहरूले वेल घेराउ गरेर नाराबाजी गर्दा प्रधानमन्त्री दाहालले रोष्ट्रमबाट विश्वासको मत मागेका थिए ।

अहिले विश्वासको मतबारे संसद्‍मा छलफल जारी छ ।