अमेरिकी राष्ट्रपतीय चुनाव बुझ्न गाह्रो भइरहेको छ ? यहाँ कमला ह्यारिस र डोनाल्ड ट्रम्पबिचको लडाइँका बारेमा मार्गदर्शन गर्न एउटा ए–जेड शब्दकोश छ।
ए-गर्भपतन (एबोर्सन): एक संवेदनशील मुद्दा जसलाई डेमोक्रेटहरूले राष्ट्रपतिका रूपमा ट्रम्पले सङ्घीय अधिकार समाप्त गरेका कारण उनको कमजोरीका रूपमा प्रयोग गर्ने आशा गरेका छन् ।
बी – सीमा (बोर्डर): राष्ट्रपति जो बाइडेन र उपराष्ट्रपति ह्यारिसको कार्यकालमा मेक्सिकोको सीमाबाट लाखौँ कागजात बिनाका आप्रवासीहरूले पार गरेको आरोप लागेसँगै बाइडेनसँगको सहयोगका कारण उपराष्ट्रपति ह्यारिसका लागि कमजोरी।
सी – क्यालिफोर्निया: ह्यारिसको उदारवादी गृह राज्य। यस परिस्थितिले उनलाई स्वतन्त्र र रिपब्लिकन मतदाताहरूलाई लोभ्याउन अझ बढी मध्यमार्गी देखिने प्रयास गर्न प्रेरित गरेको छ।
डी – बहस (डिबेट) : जुनमा बाइडेनको विनाशकारी प्रदर्शनले उनलाई चुनावी प्रतिस्पर्धा छाड्न बाध्य पा¥यो । ट्रम्पलाई ह्यारिसले बहसमा पराजित गरिन् र ट्रम्पले चुनाव दिनअघि पुनः बहस गर्न अस्वीकार गरे।
ई – एलन मस्कको रूपमा: प्रविधि उद्योगपति मस्कले आफ्नो मुख, पैसा र मिडिया प्लेटफर्म ट्रम्पको सेवामा लगाएका छन्।
एफ – कोष सङ्कलन (फन्डरेजिङ): बाइडेनको स्थान लिएपछि, ह्यारिसले अचानक खुसी समर्थकहरूबाट ठुलो मात्रामा चन्दा आकर्षित गरेर अमेरिकालाई चकित पारेकी छन्।
कुकुर र बिरालो खाने
जी – जननेन्द्रिय (जेनिटेलिया): दिवङ्गत गल्फ महान् अर्नोल्ड पामरको शारीरिक विशेषतालाई ट्रम्पले चुनावी र्यालीमा सम्बोधन गर्न उचित ठाने।
एच– हैटियन : ओहायोमा बस्ने केही आप्रवासीको राष्ट्रियताका बारेमा ट्रम्प, उनका उपराष्ट्रपति उम्मेदवार जेडी भान्स र अन्य रिपब्लिकनहरूले गलत रूपमा मानिसहरूका कुकुर र बिरालो खाइरहेको आरोप लगाए।
आई – जानकारी (इनफर्मेसन, गलत र भ्रामक हेर्नुहोस्) : पाल्तु जनावर खाने हैटियन र रिपब्लिकन विधायक मार्जोरी टेलर ग्रिनको रत्नजस्तो फर्जी दाबीको कुहिरोले बाइडेन प्रशासनको मौसमलाई नियन्त्रण गरिरहेको छ।
जे – जनवरी ६: सन् २०२० को चुनावमा बाइडेनसँग हारेपछि ट्रम्पलाई सत्तामा राख्न चाहने हिंसक ट्रम्प समर्थकहरूद्वारा सन् २०२१ को क्यापिटल विद्रोहको मिति। ट्रम्पले हालै विद्रोहलाई ‘प्रेमको दिन’ भनेका छन्।
के – कमला: उनी अमेरिकाको पहिलो महिला राष्ट्रपति र दक्षिण एसियाली वंशको पहिलो राष्ट्रपति हुनेछिन । दुवै ऐतिहासिक उपलब्धि उनका नाममा प्रतिबिम्बित छन्।
एल – महिला(लेडिज): रिपब्लिकन पार्टीका उपराष्ट्रपति उम्मेदवार भान्सले वर्षौंअघि महिलालाई बिरालो भएका तर बच्चा नभएका भनी परिभाषित गरेका थिए। विपक्षीले अहिले चुनावमा उनको यो भनाइलाई ल्याएर सताउन पाइरहेका छन्।
एम–मिडिया : ह्यारिसलाई एकएक अन्तर्वार्ताहरू टार्ने आरोप थियो। यसले उनी धेरै नजान्ने छाप अमेरिकीहरूमा बलियो बनाएको थियो। तथापि उनले पछिल्ला चुनावी अभियानमा आफ्नो शैली विकसित देखाएकी छन्। यही क्रममा फक्स न्युजसँगको शत्रुतापूर्ण अन्तर्वार्ता समेत सामना गर्नुपरेको छ।
सबैभन्दा सुन्दर शब्द
एन– राष्ट्रिय सुरक्षा (नेसनल सिक्योरिटी) : ट्रम्पले यसलाई बलियो बनाउने बताएका छन्, भने ह्यारिसले ट्रम्प यसका लागि खतरा भएको ठानेकी छन्।
ओ – पुरानो (ओल्ड) : ८१ वर्षीय बाइडेन अर्को कार्यकालका लागि धेरै थकित भएको छाप परेकोले पछि हटेका थिए। ७८ वर्षीय ट्रम्प अहिलेसम्मकै सबैभन्दा पाको अमेरिकी उम्मेदवार हुन्। तुलनात्मक रूपमा ६० वर्षीय ह्यारिस जवान देखिन्छिन्।
पी – प्रोजेक्ट २०२५ : ट्रम्पको अति–दक्षिणपन्थी शासनका लागि एक प्रमुख थिङ्क ट्याङ्कको खाँका हो।
क्यू – राजीनामा (क्विट) : बाइडेन दौडबाट बाहिरिनु। यस जुलाईमा बहालवाला राष्ट्रपतिले किनारा लागेर ह्यारिसलाई स्थान दिएपछि राजनीतिक भूकम्पले अर्को ट्रम्प कार्यकालका लागि बढ्दो रूपमा आत्मसमर्पण गरेका डेमोक्रेटहरूलाई पुनर्जीवित गरेको छ।
आर – अस्वीकार (रिफ्युजल) : अर्को जनवरी ६ जस्तो विद्रोहको छायाँ उठाउँदै ट्रम्पले नोभेम्बरमा हार स्वीकार गर्ने वाचा गर्न अस्वीकारेका थिए।
एस– स्विङ राज्यहरू ” सात राज्य जुन जुनसुकैतर्फ जान सक्छन् र चुनाव निर्धारण गर्ने मानिन्छन्।
टी – भन्सार शुल्क (ट्यारिफ) : ट्रम्पले अमेरिकामा हुने सबै आयातमा लगाउने भनेको कर। यो शब्दकोशको सबैभन्दा सुन्दर शब्द हो भनेर उनले भनेका छन्।
यू – ‘अयोग्य’ र ‘अस्थिर’ (अनफिट र अनस्टेबल): ह्यारिसले ट्रम्पलाई वर्णन गर्ने तरिका।
भी – अस्पष्ट (भेग): ह्यारिसले सम्भावित मतदाताहरूलाई अलग नपार्न जानाजान आफ्नो नीतिगत स्थितिहरू अस्पष्ट छोडेको आरोप सामना गरेकी छन्। ट्रम्पले पनि तिनीहरूलाई कसरी सत्य बनाउने भन्ने विवरण नदिई ठुला वाचाहरू गरेका छन्।
डब्ल्यु – विचित्र (वेर्ड): ह्यारिसका उपराष्ट्रपति उम्मेदवार टिम वाल्जले ट्रम्प, भान्स र उनीहरूको परिधिमा रहेका व्यक्तिबारे वर्णन गर्न यो शब्द प्रयोग गरेका छन्। यसले डेमोक्रेटहरूलाई धेरै ऊर्जा थपेको छ।
एक्स – थकित (एक्जस्टेड): ट्रम्पका एक सहयोगीले कठिन अन्तिम चरणमा रिपब्लिकनलाई वर्णन गर्न प्रयोग गरेको भनिएको शब्द।
वाई – यस म्यान: ट्रम्पले दोस्रो कार्यकालमा आफूलाई घेर्ने मानिसहरू। यसको अर्थ हठी वा खतरनाक व्यवहारको विरुद्ध कुनै सुरक्षा बार नहुने डर।
जेड – जेलेन्स्की, भोलोदिमिर: निश्चय नै २०२२ को आक्रमणको आदेश दिने पुटिनप्रति ट्रम्पको झुकावका बारेमा चिन्तित युक्रेनी राष्ट्रपति।