यूएईमा जारी महिला यू १९ टी२० विश्वकपको एसिया छनोटको आफ्नो पहिलो खेलमा नेपालले थाइल्यान्डविरुद्ध १०२ रन बनाएको छ।
यस अघि थाइल्यान्डले टस जितेर नेपाललाई पहिला ब्याटिङ गर्न लगाएपछि नेपालले निर्धारित २०ओभरमा ६ विकेट गुमाएर १ सय २ रन बनाएको हो।
नेपालका लागि कप्तान पुजा महतोले सबै भन्दा वढि ३५, सोनी पाख्रिन र सिमाना केसीले समान १९ रन बनाए । थाइल्यान्डकी सइमाले २ तथा सुनिसाले १ विकेट लिइन्।
कात्तिक २९ गतेसम्म चल्ने प्रतियोगितामा नेपाल, घरेलु टोली यूएई, कुवेत र थाइल्याण्डको सहभागिता रहेको छ।
नेपालले दोस्रो खेल कार्तिक २२ गते कुवेतसॅंग, कार्तिक २४ गते घरेलु टोलीसॅंग खेल्नेछ।नेपालले कार्तिक २५ गते थाइल्यान्ड, कार्तिक २७ गते कुवेतसॅंग र आफ्नो अन्तिम खेलमा कार्तिक २८ गते यूएईसॅंग खेल्नेछ।
४ टोली सहभागी प्रतियोगिताको शीर्ष टोली विश्वकपका लागि छनोट हुनेछ।विश्वकप अर्को वर्ष मलेसियामा हुनेछ।