काठमाडौं । राष्ट्रपति रामचन्द्र पौडेल र नेपालका लागि गणतन्त्र कोरियाका राजदूत पार्क जे–क्युङबीच शिष्टाचार भेटवार्ता भएको छ ।
शुक्रबार राष्ट्रपति कार्यालय शीतलनिवासमा भएको भेटमा नेपाल र गणतन्त्र कोरियाबीचको द्विपक्षीय सम्बन्ध, आपसी हित तथा साझा चासोका विषयमा छलफल भएको राष्ट्रपति कार्यालयले जनाएको छ । भेटका क्रममा दुई देशबीच रहिआएको मैत्रीपूर्ण सम्बन्धलाई थप सुदृढ बनाउने तथा पारस्परिक हितका विषयमा विचार आदानप्रदान भएको जनाइएको छ ।
राष्ट्रपति कार्यालयका प्रवक्ता श्यामप्रसाद भण्डारीद्वारा जारी विज्ञप्तिमा उक्त भेटवार्ता २०८३ साल कात्तिक २० गते शुक्रबार भएको उल्लेख गरिएको छ । नेपाल र गणतन्त्र कोरियाबीच लामो समयदेखि कूटनीतिक सम्बन्ध रहँदै आएको छ ।
प्रकाशित मिति : २०८३ कात्तिक २० गते शुक्रबार