पत्रकार महासंघ सुर्खेतले विकासे आयोजनाका विवादमा वहस सञ्चालन गर्ने

नेपाल पत्रकार महासंघको सुर्खेत शाखाले विकासे आयोजनाहरुका विवादित विषयमा वहस सञ्चालन गर्ने भएको छ । काम सुरु भएका तर समयमा नै सम्पन्न नभएका आयोजनाहरुको विवाद समाधानमुलक बहस गर्ने शाखाले निर्णय गरेको हो ।

महासंघको सुर्खेत शाखाका अध्यक्ष सुशिलराज शर्माको अध्यक्षतामा बसेको बैठकले सुर्खेतको मदन भण्डारी राजमार्ग, कोहलपुर–सुर्खेत १३२ केभीए विद्युत प्रसारण लाइनमा देखिएको विवाद लगायतका विषयमा सम्बन्धित निकायहरुलाई राखेर समाधानमुलक बहस गर्ने निर्णय गरेको हो ।

यसका साथे बुधवार बसेको बैठकले शाखाको कार्यालय नियमित रूपमा सञ्चालन गर्नका लागि एकजना कार्यालय सहायक नियुक्त गर्ने समेत निर्णय भएको संघका सचिव गोविन्द खत्रीले जानकारी दिए ।

नवनिर्वाचित समितिलाई नेतृत्व विकास सम्बन्धी प्रशिक्षण, शाखामा पुस्तकालय (ईलाइब्रेरी समेत) स्थापना, अक्षय कोषहरुको व्यवस्थित सञ्चालन अध्ययन लगायतका बैठकमा निर्णयहरु भएका छन् ।