साेमबार दिउँसो र राति पनि यी स्थानमा पानी पर्ने क्रम जारी रहने

देशका विभिन्न स्थानमा वर्षा हुने क्रम जारी छ। यस क्रममा साेमबार दिउँसो र राति पनि पानी पर्ने क्रम जारी रहने प्रक्षेपण मौसम पूर्वानुमान महाशाखाले गरेको छ। मौसम महाशाखाले साेमबार बिहान ६ बजे जारी गरेको बुलेटिनअनुसार साेमबार  दिउँसो देशभर साधारणतया बदली रहनेछ।

कोसी प्रदेश, बागमती प्रदेश, लुम्बिनी प्रदेश र सुदूरपश्चिम प्रदेशका केही स्थान र बाँकी पहाड र तराई भूभागका थोरै स्थानमा मध्यम वर्षाको सम्भावना छ। बागमती प्रदेश र सुदूरपश्चिम प्रदेशका एक-दुई स्थानमा भारी वर्षाको पनि सम्भावना छ।

साेमबार  राति देशभर साधारणतया बदली रहनेछ। सुदूरपश्चिम प्रदेशका केही स्थान, बागमती प्रदेश, गण्डकी प्रदेश र लुम्बिनी प्रदेशलगायत बाँकी प्रदेशका पहाड भूभागका थोरै स्थान र बाँकी तराई भूभागका एक-दुई स्थानमा मध्यम वर्षाको सम्भावना छ।