फक्स न्यूजसँग कुरा गर्दै उनले भने, ‘मोदी एक महान नेता हुन्, तर मलाई बुझ्दैन कि उनी विश्वको सबैभन्दा ठूलो लोकतन्त्रका नेता हुँदाहुँदै पनि पुटिन र सी जिनपिङसँग किन हात मिलाइरहेका छन्।’

नवारोले भने, ‘म भारतका जनतालाई के भइरहेको छ भनेर बुझ्न भन्न चाहन्छु। ब्राह्मणहरूले भारतीय जनताको खर्चमा नाफा कमाइरहेका छन्। हामी यो बन्द होस् भन्ने चाहन्छौं।’

पिटर नावारोले यसअघि पनि भारतले रूसी तेल किनेकोमा आलोचना गरिसकेका छन्।

राष्ट्रपति ट्रम्पको नजिक मानिने नाभारोले गत हप्ता ब्लूमबर्ग टिभीमा दिएको एक अन्तर्वार्तामा भनेका थिए कि रुस-युक्रेन युद्ध वास्तवमा ‘मोदीको युद्ध’ हो।

भारतले हाल ५० प्रतिशत अमेरिकी भन्सार शुल्कको सामना गरिरहेको छ। अमेरिकाले रुसी तेल खरिद गरेको भन्दै भारतमाथि यो भन्सार शुल्क लगाएको हो।

अमेरिकाको तर्क यो छ कि रुसी तेल किनेर भारतले युक्रेन युद्धको लागि रुसलाई आर्थिक सहयोग गरिरहेको छ।