सात वर्षपछि चीन भ्रमणमा रहेका भारतीय प्रधानमन्त्री नरेन्द्र मोदीले शनिबार चिनियाँ राष्ट्रपति सी चिनफिङसँग भेटवार्ता गरेका थिए।

दुई नेताबीच करिब ५० मिनेट चलेको भेटवार्तामा सीमा विवाददेखि द्विपक्षीय सम्बन्ध सुधारका विषयमा कुराकानी भएको थियो।

भेटका क्रममा राष्ट्रपति सीले भारत र चीनलाई ‘हात्ती’ र ‘ड्रागन’ को संज्ञा दिँदै दुवै देश अब सँगै अघि बढ्नुपर्ने बताएका थिए। ‘प्रधानमन्त्री मोदीलाई भेट्न पाउँदा खुसी लागेको छ। ड्रागन (चीन) र हात्ती (भारत) सँगै आउनुपर्छ,’ राष्ट्रपति सीको भनाइ थियो।