रास्वपाका उम्मेदवार लेखजंग थापाले साेमबार पत्रकार सम्मेलन गर्दै

पार्टी प्रवक्ता मनिष झाले दिएको जानकारीअनुसार पत्रकार सम्मेलन दिउँसो २ बजे रास्वपाको केन्द्रीय कार्यालयमा हुनेछ। सम्मेलनमा थापाले आगामी उपनिर्वाचनका लागि पार्टीको रणनीति, एजेण्डा र अभियानबारे जानकारी दिनेछन्।

रास्वपाका शीर्ष नेताहरूको पनि उपस्थिति रहने कार्यक्रममार्फत उम्मेदवार थापाले आफ्नो चुनावी दृष्टिकोण सार्वजनिक गर्ने बताइएको छ।

कात्तिक १७ गते हुने उपनिर्वाचनका लागि रास्वपाले थापालाई उम्मेदवार बनाउने निर्णय गरेपछि सामाजिक सञ्जालमा उनको बहुविवाहसम्बन्धी आलोचना समेत सुरु भएको छ।