उदयपुरमा आफ्नै विद्यार्थी बलात्कार गरेको आरोपमा एक प्रधानाध्यापक पक्राउ परेका छन् ।
जिल्लाको बेलका नगरपालिका-२ मा सञ्चालित कञ्चनजङ्गा हिमशिखर सामुदायिक इङ्ग्लिस बोर्डिङका प्रधानाध्यापक ४७ वर्षीय युवराज श्रेष्ठ पक्राउ परेका हुन् ।
उनले आफ्नै विद्यालयमा अध्ययन गर्ने १४ वर्षीया बालिका बलात्कार गरेको आरोप छ । ‘तीन दिन अगाडिको घटना रहेछ’ जिल्ला प्रहरी कार्यालय उदयपुरका प्रहरी नायब उपरीक्षक केदारमान दोङले भने, ‘हिजो आइतबार जाहेरी परेको थियो । हिजो नै हामीले नियन्त्रणमा लिएका हौं ।’
आरोपित श्रेष्ठले विद्यालयकै कोठामा बालिकालाई बलात्कार गरेको जाहेरीमा उल्लेख गरिएको छ । बालिकालाई जबर्जस्ती करणी गरेको हुँदा आवश्यक कारबाही गरी पाउँ भनि बालिकाका आफन्तले आइतबार नै इलाका प्रहरी कार्यालय रामपुर ठोक्सिलामा उजुरी दिएपछि श्रेष्ठलाई थप अनुसन्धानका लागि पक्राउ गरिएको डीएसपी दोङले बताए ।
पक्राउ गरिएका श्रेष्ठलाई हाल इलाका प्रहरी कार्यालय रामपुर ठोक्सिलाको हिरासतमा राखि थप अनुसन्धान थालिएको प्रहरीले जनाएको छ ।
Leave a Reply