प्रधान सेनापति शीतल निवास छिरे, आजै सरकार गठनको तयारी

 प्रधान सेनापति अशोकराज सिग्देल राष्ट्रपति कार्यालय शीतल निवास प्रवेश गरेका छन्। राष्ट्रपति रामचन्द्र पौडेल, प्रधान सेनापति सिग्देल र जेनजीले प्रधानमन्त्रीका लागि प्रस्ताव गरेकी पूर्वप्रधानन्यायाधीश सुशीला कार्कीबीच बैठक सुरु हुने तयारी छ।

जेनजीले संसद् विघटनलाई बटमलाइन बनाएपछि अन्तरिम सरकार गठनमा ढिलाइ भइरहेको छ। बुधबार मध्यरातसम्म भएको छलफलमा कार्कीलाई प्रधानमन्त्री बनाउन सहमति जुटेको भए पनि संविधानको कुन धारामा टेकेर प्रधानमन्त्री घोषणा गर्ने भन्ने प्रष्ट नभएकाले अन्योलता बढेको थियो।  दिउँसो दुई बजेबाट सुरू हुने बैठकले सुशीला कार्कीलाई सरकारको नेतृत्व दिने अपेक्षा गरिएको छ।