कर्णाली राजमार्ग तथा ग्रामीण सडकमा हुने दुर्घटना रोक्न ट्राफिक प्रहरीले सवारी चालकहरूलाई ट्राफिक नियम सम्बन्धी सचेतना अभियान सुरु गरेको छ।
कर्णाली राजमार्ग तथा कालिकोटका ग्रामीण सडकमा चल्ने साना तथा ठूला सवारी साधनहरूलाई दुर्घटनाबाट रोक्न सुरक्षित कर्णाली अभियान अन्तर्गत ट्राफिक चेकजाँच गरिनुका साथै चालक,सहचालक र यात्रुहरूलाई ट्राफिक नियम सम्बन्धी जानकारी दिँदै आएको हो।
जिल्ला ट्राफिक प्रहरी कार्यालयले कर्णाली राजमार्गमा चल्ने सवारी साधन,कर्णाली कोरिडोरमा चल्ने गाडी र गाडीमा सवार यात्रुहरूलाई सिट क्षमता भन्दा बढी यात्री नराख्ने,गाडीको यान्त्रिक क्षमता चेक जाँच गर्ने,गाडीको यान्त्रिक अवस्था चेक जाँच गरी सवारी चलाउन आग्रह गरेको छ।
ट्राफिक कार्यालयका प्रमुख टोपबहादुर महताराका अनुसार अहिले कालिकोटमा ट्राफिक सचेतना,अभियान सुरु गरेको बताए। दुर्घटना कम गर्न के कस्ता कार्यक्रम गर्न सकिन्छ भनेर सचेतना दिने गरेको र चालकहरूलाई अहिले सवारी दुर्घटना रोक्नको लागि सचेत गर्ने गरेको बताए। उनले यात्रा गर्ने यात्रीहरूलाई पनि ट्राफिक नियमको बारेमा जानकारी गराइएको बताए।
ग्रामीण भेगका सडकमा चल्ने गाडी चालक र स्थानीय नागरिकलाई पनि ट्राफिक नियम सम्बन्धी गाडीमा चढ्दा, झर्दा, र जेब्रा क्रसिङ गर्दा पनि ध्यान दिनुपर्ने जस्ता कुराहरूको बारेमा सचेत गराएको उनको भनाइ छ।
ट्राफिक नियमको पालमा गरी ग्रमिण सडकमा गाडी चलाउँदा पनि केही दुर्घटना रोकिए बताए। सिट संख्या भन्दा बढी चढेको अवस्थामा यात्रुहरूले आफै ध्यान दिनुपर्ने प्रहरीको भनाई छ।
Leave a Reply