ग्लोबल आइएमई बैंकले आफ्ना कार्डबाहक ग्राहकलाई दराजबाट अनलाइनमार्फत सामान किन्दा १५ प्रतिशतसम्म छुट दिने योजना पुनः सार्वजनिक गरेको छ।
योजनाअन्तर्गत ग्राहकले बैंकको भिजा डेबिट वा क्रेडिट कार्ड प्रयोग गरी दराजबाट अनलाइनमार्फत सामान खरिद गर्दा खरिद १५ प्रतिशतसम्म छुट पाउनेछन्।
योजना जेठ १३ गतेदेखि तीन महिनासम्म सञ्चालन हुने बैंकले जनाएको छ। यसैक्रममा बैंकको डेबिट कार्ड प्रयोगकर्ताले १० प्रतिशतसम्म र क्रेडिट कार्ड प्रयोगकर्ताले १५ प्रतिशतसम्म छुट पाउनेछन्। यस योजना अवधिभर हरेक महिना १० वटासम्मको खरिदमा यो छुट पाइने कम्पनीले जनाएको छ।
ग्लोबल आइएमई बैंकले दराज अनलाइन स्टोरसँग समन्वय गरी आफ्नो डेबिट र क्रेडिट कार्ड प्रयोगकर्तालाई विशेष योजना सार्वजनिक गर्दै आएको छ।
यसअघि पनि तीन महिना सञ्चालन गरेको यस छुट योजनामा उत्साहजनक सहभागिता भएकाले यो योजना पुनः सञ्चालन गरिएको हो।
Leave a Reply