ट्रान्सफर्मर बनाउने क्रममा करेन्ट लागेर विद्युत कर्मचारीको मृत्यु

कपिलवस्तुको यशोधरा गाउँपालिका ६ रङपुरमा ट्रान्सफर्मर बनाउने क्रममा करेन्ट लागेर एक जना विद्युत कर्मचारीको मृत्यु भएको छ। सोमबार साढे ८ बजेतिर उनकाे मृत्यु भएको हाे।

नेपाल विद्युत प्राधिकरण तौलिहवा वितरण केन्द्रमा कार्यरत ज्यालादारी कर्मचारी यशोधरा २ गणेशपुरका ३२ वर्षीय हरिस चन्द्र मिश्राको मृत्यु भएको हो।

प्रहरी अनुसार सोमबार हावाहुरी सङै आएको पानीले गर्दा रङ्पुरमा रहेको ट्रान्सफर्मर बिग्रिँदा बिद्युत अवरुद्ध बनेको थियो। त्यही ट्रान्सफर्मर बनाउने क्रममा करेन्ट लागेर उनको मृत्यु भएको हो।

मृतकको शवलाई पोस्टमार्टम लागि कपिलवस्तु ल्याइएको छ। घटनाको अनुसन्धान भइरहेको प्रहरीलेले जनाएको छ।