हृदयघातबाट थुनुवाको मृत्यु भएको पोष्टमार्टम रिपोर्ट

जिल्ला प्रहरी कार्यालय सुर्खेतको हिरासतमा गत शुक्रबार मृत्यु भएका गंगे सुनारको पोष्टमार्टम रिपोर्ट आएको छ । वीरेन्द्रनगर–१ का ३६ वर्षीय सुनारको पोष्टमार्टम रिपोर्टमा हृदयघातबाट मृत्यु भएको देखिएको छ ।
मृतकको पोष्टमार्टमको लागि भेरी अस्पताल नेपालगञ्जबाट फरेन्सिक विज्ञ डाक्टर अर्विन शाक्यको टिम सुर्खेत आएको थियो । चिकित्सकको टोलीले मुटुको नली बल्क भएको र चोटपटक नदेखिएको पोष्टमार्टम रिपोर्ट दिएको जिल्ला प्रहरी कार्यालय सुर्खेतले जनाएको छ ।
रिपोर्ट आएपछि आफन्तले सुनारको शव बुझेका छन् ।
सुनार गत शुक्रबार बिहान ५ः५८ बजेको समयमा हिरासत भित्र सुतेको ओछ्यानमै बेहोस अवस्थामा भेटिएका थिए । उपचारका लागि प्रदेश अस्पताल पु¥याउँदा डाक्टरले मृत घोषणा गरेका थिए । उनी ७८ दिनदेखि हिरासतमा थिए । गत शुक्रबार उनको मुद्दामा पेसी थियो ।
थुनुवाको मृत्युपछि आफन्तले छानविनको माग गर्दै विरोध गरेका थिए । आफन्तको विरोधपछि जिल्ला प्रशासन कार्यालय सुर्खेतका प्रशासकीय अधिकृत हितप्रसाद पौडेलको संयोजकत्वमा चार सदस्यीय छानबीन समिति गठन गरिएको थियो ।