बैंकद्वारा स्टेशनरी सहयोग

गरिमा विकास बैंकले विद्यार्थीहरुलाई स्टेशनरी सहयोग गरेको छ । सुर्खेतको वीरेन्द्रनगरमा रहेको नेपाल राष्ट्रिय आधारभूत विद्यालयमा अध्ययनरत विद्यार्थीहरुले बैंकले सामाजिक उत्तरदायित्व कार्यक्रमअन्तर्गत आइतबार स्टेशनरी वितरण गरेको हो ।
विद्यालयमा अध्ययनरत कक्षा १–८ सम्मका आर्थिक रुपमा कमजोर परिवारका जेहनदार विद्यार्थीहरुलाई स्टेशनरी तथा झोला वितरण गरिएको बैंकले जनाएको छ । आर्थिक रुपमा कमजोर विद्यार्थीहरुलाई अध्ययनमा सहयोग पु¥याउने उद्देश्यका साथ सामग्री वितरण गरिएको जनाईएको छ ।
उक्त कार्यक्रममा बैंकका सुर्खेत शाखा प्रबन्धक बिशाल अधिकारीले आर्थिक अभावका कारण मेहनती विद्यार्थीहरुको शैक्षिक क्रियाकलाप रोकिन नहुने बताए । शिक्षा नै बालबालिका उज्ज्वल भविष्य भएकाले आगमी दिनमा पनि यस्ता सहयोगमुलक कार्यक्रम निरन्तर राखिने उनले बताए ।