‎काँक्रेबिहार जंगलमा मृत भेटिएका किशोर–किशोरीको पहिचान खुल्यो

सुर्खेतको वीरेन्द्रनगर नगरपालिका–९ स्थित काँक्रेबिहार जंगलमा मृत भेटिएका किशोर–किशोरीको पहिचान खुलेको छ। ‎मृत फेला पर्नेमा जुम्लाको कनकासुन्दरी गाउँपालिका–७ घर भएका १८ वर्षीय नरेश खत्री र वीरेन्द्रनगर नगरपालिका–१० खजुरा बस्ने १६ वर्षीया दीपिका चौधरी रहेको जिल्ला प्रहरी कार्यालय सुर्खेतले जनाएको छ।
‎‎प्रहरीका अनुसार, आज बिहान सवा ११ बजेको समयमा जंगलमा घाँस काट्न गएका स्थानीयले दुवै जनालाई झुण्डिएको अवस्थामा देखेपछि प्रहरीलाई खबर गरेका थिए।
‎‎जिल्ला प्रहरी कार्यालय सुर्खेतका प्रवक्ता डिएसपी मोहनजंग बुढथापाका अनुसार अनुसार, किशोरीको सनाखत उनका काका राजु चौधरीले र किशोरको सनाखत उनकी फुपू गीता खत्रीले गरेका हुन्।
‎घटनाबारे थप अनुसन्धान भइरहेको उनले बताए।