प्रधानमन्त्रीलाई कांग्रेसको प्रश्न: तपाईंलाई जङ्गलबाट सदनमा ल्याउने कांग्रेस बिर्सनुभयो ?

नेपाली कांग्रेसका प्रमुख सचेतक रमेश लेखकले प्रधानमन्त्री पुष्पकमल दाहाललाई जङ्गलबाट सदनमा ल्याउने कांग्रेसलाई बिर्सिनुभयो भन्दै प्रश्न गरेका छन्।

पत्रकार सम्मेलनमा बोल्दै लेखकले प्रधानमन्त्री दाहाललाई जङ्गलबाट सदनमा ल्याउने कांग्रेसलाई बिर्सिनुभयो भन्दै प्रश्न गरेका हुन्।

उनले भने, ‘प्रधानमन्त्रीले भोलिका दिनमा मूल्य चुकाउनुपर्ला भन्नुभयो। तपाइलाई त जङ्गलबाट यहाँ राजनीतिमा ल्याउने कांग्रेस होकी को हो बिर्सिनुभयो। हतियार उठाएर हिँडेको तपाइलाई शान्तिमा कसको नेतृत्वमा आउनुभयो। नेपालको राजनीतिमा तपाइ र तपाईँको पार्टीलाई शान्तिमा रुपान्तरण गरेर नेपालमा एउटा राजनीति दलमा स्थापित गर्न कांग्रेसको सहयोग छैन।’