सरकारले सहकारी ठगलाई जोगाउन सरकारी निकायको दुरुपयोग गर्‍यो: कांग्रेस

सरकारले सहकारी ठगलाई जोगाउन सरकारी निकायको दुरुपयोग गरेको नेपाली कांग्रेसले बताएको छ।

प्रमुख सचेतक रमेश लेखकले पत्रकार सम्मेलनमा सहकारी ठगलाई जोगाउन सरकारले सरकारी निकायको दुरुपयोग गरेको बताएका हुन्।

उनले भने, ‘रुपन्देही जिल्ला अदालतमा दायर भएको अभियोग पत्रमा गृहमन्त्रीको नाम पाँच ठाउँमा उल्लेख गरिएको छ। अभियोग पत्रमा रवि लामिछानेको नाममा गैर कानुनी रुपमा रिन लिएको भनिएको छ। यो अभियोग पत्र महान्यायाधिवक्ता कार्यालयले जिल्ला अदालतमा दर्ता गर्छ। अर्को तर्फ महान्यायाधिवक्ता कार्यालय कुनै उजुरी छैन। सरकारले सहकारी ठगलाई जोगाउन सरकारी निकायको दुरुपयोग गरेको छ।’