पारामाउन्ट्सले बहुप्रतिक्षित वुलिङ ईभी नेपालमा भित्र्याएको छ। यससँगै नेपालमा अत्याधुनिक एवम् पर्यावरण-मैत्री विद्युतीय सवारी क्षेत्रमा यस गाडीले नयाँ आयाम थप्ने कम्पनीको विश्वास छ।
कम्पनीका अनुसार बिंगुओ इभीमा ३१.९ किलोवाटको लिथियम-आयनफस्फेट ब्याट्री जडान गरिएको छ। जसले एक पटक चार्ज गर्दा ३३३ किलोमिटरसम्मको सहज एवम् आरामदायी यात्रा गराउँछ।
यस्तै ७९० लिटर क्षमताको बुट स्पेस भएको बिंगुओ इभी छोटो तथा लामो दूरीको यात्राको लागि उत्कृष्ट ढंगले डिजाइन गरिएको कम्पनीले जनाएको छ।
कम्पनीका अनुसार ३१ लाख ९९ हजार रूपैयाँ सुरुवाती मूल्य पर्ने यस गाडीको क्षमता, बनोट, सुविधा एवम् प्राविधिक पक्ष अनुसार प्रतिस्पर्धी माझ मूल्य पनि आकर्षक रहेको छ। यो गाडी मिल्क टी, ग्यालेक्सी ब्लु र मुस ग्रीन गरी तीन आकर्षक रङहरूमा उपलब्ध छ।
Leave a Reply