जिम्नीको ‘अ राइड विथ अ कज’ सम्पन्न

सिजी होल्डिङ्स अन्तर्गतको अटोमोटिभ डिभिजन सिजी मोटोकर्प तथा सिजी नेक्स्ट जेनले जिम्नी रारा एड्भेन्चर ‘अ राइड विथ अ कज’ सम्पन्न गरेको छ। जिम्नीको वास्तविक क्षमता पत्ता लगाउन सकुन् भन्ने उद्देश्यका साथ सो राइड गरिएको कम्पनीले बताएको छ।

वैशाख २३ देखि २९ गतेसम्म सम्पन्न भएको सो राईड बुटवल, सुर्खेत, कालिकोट, रारा, जुम्ला हुँदै सुर्खेतमा समापन भएको थियो। कम्पनीका अनुसार जिम्नी एउटा लाइफ स्टाइल एसयुभीको रूपमा निकै लोकप्रिय भएको उल्लेख गर्दै ९० भन्दा धेरै देशमा लन्च भएको जिम्नी ३० हजार बढी युनिट बिक्री भइसकेका छन्। कम्पनीले राइडलाई अझै अर्थपूर्ण बनाउन कालिकोटको सरस्वती आधारभूत विद्यालयलाई दुई लाख रूपैयाँ सहयोग गरेको थियो।