कान्तिपुर मिडिया ग्रुपका अध्यक्ष कैलाश सिरोहियालाई प्रहरीले पक्राउ गरेको छ। दोहोरो नागरिकता प्रकरणमा अनुसन्धानका लागि उनलाई पक्राउ गरिएको हाे।
यसअघि सिरोहियाका दुईवटा नागरिकता रहेको भन्दै गृह मन्त्रालयले अनुसन्धानका लागि प्रहरीलाई निर्देशन दिएलगत्तै धनुषा प्रहरीले पक्राउ पुर्जी जारी गरेको थियो।
धनुषा प्रहरीको अनुरोधमा उनलाई पक्राउ गर्न उपत्यका अपराध अनुसन्धान कार्यालयका एसएसपी सानुराम भट्टराई, एसपी रवीन्द्र रेग्मीको टोली कान्तिपुरको थापाथलीमा रहेको मुख्य कार्यालय पुगेको थियो।
पक्राउ परेपछि सञ्चारकर्मीहरुसंग बोल्दै उनले आफ्नो गिरफ्तार नागरिकता काण्डमा नभएर सहकारी ठगविरुद्ध भएको बताएका छन्।
उनले भने, ‘मलाई गिरफ्तार गरेको नागरिकता काण्डमा होइन्, सहकारी ठगी सम्बन्धमा आएका समाचारविरुद्ध भएको हो। म अन्तिम समयसम्म पनि प्रेसका लागि लड्ने छु।’
हेर्नुहोस तस्बिरहरु :
Leave a Reply