ज्योति विकास बैंकले नवजात शिशुको शारीरिक तापक्रम उचित राख्न र शिशुलाई हाइपोथर्मिया (अल्पताप) हुनबाट जोगाउन प्रयोग हुने बेबी वार्मर मेसिन प्रदान गरेको छ।
बैंकले देशका दुर्गम तथा ग्रामीण क्षेत्रमा जीवनरक्षक चिकित्सा उपकरणको आवश्यकतालाई ध्यानमा राखी कर्णाली प्रदेशका पाँच विभिन्न स्वास्थ्य चौकीहरूमा नवजात शिशुको शारीरिक तापक्रम उचित राख्न र शिशुलाई हाइपोथर्मिया (अल्पताप) हुनबाट जोगाउन प्रयोग हुने बेबी वार्मर मेसिन प्रदान गरेको हो। बैंकले जुम्ला, कालीकोट, मुगु र दैलेख जिल्लास्थित स्वास्थ्य चौकी तथा बर्थिङ सेन्टरलाई ती उपकरण उपलब्ध गराएको हो।
हाइपोथर्मियाको कारण नवजात शिशुको अकालमा मृत्यु हुन नदिई जीवनरक्षा गर्न विभिन्न स्वास्थ्य चौकीहरूमा बैंकले ती मेसिन जडान गरेको जनाएको छ।
हालसम्म विभिन्न चरणमा देशका विभिन्न ठाउँमा ४३ वटा बेबी वार्मर प्रदान गरिसकेको बैंकले यस चरणमा भौगोलिक रूपले विकट क्षेत्रहरूमा उपलब्ध गराएको हो।
Leave a Reply