इनिडयन प्रिमियर लिग (आईपीएल) क्रिकेट अन्तर्गत आज एलिमिनेटर खेल हुँदैछ। आजको एलिमिनेटरमा तेस्रो स्थानको राजस्थान रोयल्स र चौंथो स्थानको रोयल च्यालेन्जर्स बैङ्गलोरबीच प्रतिस्पर्धा हुनेछ।
आजको खेल अहमदावादस्थित नरेन्द्र मोदी स्टेडियममा साँझ ७ः४५ बजे सुरु हुनेछ।
सञ्जु सैमसनको कप्तानीमा रहेको राजस्थान र फाफ डु प्लेसिसको कप्तानीमा रहेको बैङ्गलोरमध्यको विजेताले फाइनल प्रवेशका लागि सनराइजर्स हैदरावादसँग प्रतिस्पर्धा गर्नेछ।
जारी सिजनको सुरुआतदेखि राम्रो प्रदर्शन गर्दै आएको राजस्थानले पछिल्ला ४ खेल गुमाएको छ भने सिजनको सुरुआतदेखि कमजोर प्रदर्शन गर्दै आएको बैङ्गलोरले खेलमा कम ब्याक गर्दै पछिल्ला ६ खेलमा सानदान जित हात पार्दै प्ले अफको यात्रा तय गरेको हो।
आजको खेलमा बैङ्गलोरका विराट कोहली, यश दयाल,मोहम्मद सिराज, कप्तान डु प्लेसिसमाथि विशेष नजर रहने छ भने राजस्थानका रियान पराग, कप्तान सैमसन, सन्दीप शर्मा र अवेज खानमाथि विशेष नजर रहने छ।
आजको खेलमा राजस्थान र बैङ्गलोरकालाई जित निकाल्न सहज भने हुने छैन। कारण, दुबै टोलीमा सानदार खेलाडी छन्। तर, पछिल्लो समय धमाकेदार कम ब्याक गरेको बैङ्गलोरले भने राजस्थानलाई आजको खेलमा कडा टक्कर दिने देखिन्छ।
आजको खेलमा जित्ने टोलीले पर्सि हुने दोस्रो क्वालिफायरमा हैदरावादसँग फाइनलमा स्थान बनाउनलाई खेल्ने छ। जबकी कोलकोत्ता नाइट राइडर्स यसअघि नै फाइनलमा पुगिसकेको छ। मङ्गलवार भएको पहिलो क्वालिफायरमा हैदरावादलाई ८ विकेटले हराउँदै कोलकोत्ता फाइनलमा पुगेको हो।
Leave a Reply