रोजेको मन्त्रालय नपाएपछि शपथ बहिष्कार गरेका विनाेद पुनः त्यही मन्त्रालय सम्हाल्दै

आफूले रोजेको मन्त्रालय नपाएपछि मन्त्रीको शपथ नै बहिष्कार गरेका नेकपा एमाले कर्णाली प्रदेशका सांसद विनोदकुमार शाह पुन मन्त्री नियुक्त भएका छन् ।

मुख्यमन्त्री यमलाल कँडेलले शाहलाई भूमि व्यवस्था, कृषि तथा सहकारी मन्त्रीमा नियुक्त गरेका हुन्। बुधबार उनलाई प्रदेश प्रमुख तिलक परियारले पद तथा गोपनीयताको शपथ गराए।

शाहले यसअघि गत वैशाख १८ गते कृषि मन्त्रालयमा चित्त नबुझेको भन्दै शपथ बहिष्कार गरेका थिए। तर बुधबार पुनः शाह भूमि व्यवस्था, कृषि तथा सहकारी मन्त्रीमा नियुक्त भएका हुन्।