१५औं एनएसकेए अन्तर्राष्ट्रिय कराते प्रतियोगिता शनिबारदेखि हुने भएको छ। नेपाल सोतोकान कराते संघको आयोजनामा शनिबारदेखि उक्त प्रतियोगिता हुन लागेको हो।
बुधबार आयोजित पत्रकार सम्मेलनमार्फत आयोजक संघले प्रतियोगिताबारे जानकारी दिएको हो। यस प्रतियोगितामा नेपाल, भारत, बंगलादेश, पाकिस्तान, श्रीलंका र भुटान गरी ६ राष्ट्रको सहभागिता रहनेछ। प्रतियोगितामा ४० स्वर्ण, ४० रजत र ८४ कांस्यका लागि प्रतिस्पर्धा हुने आयोजक संघका अध्यक्ष विष्णुबहादुर कार्कीले जानकारी दिए।
दुईदिने प्रतियोगिताका खेलहरू त्रिपुरेश्वरस्थित राष्ट्रिय खेलकुद परिषद्को कभर्डहलमा हुँदै छ। उक्त प्रतियोगिताअघि राखेप कभर्डहलमै बिहीबार र शुक्रबार प्रथम बाग्मती प्रदेश खुला कराते प्रतियोगिता हुनेछ। महासचिव शेर्पाका अनुसार प्रतियोगिता सञ्चालन गर्न करिब ३२ लाख रूपैयाँ खर्च हुनेछ।
Leave a Reply