बाघको आक्रमणबाट महिलाको मृत्यु

बाघको आक्रमणबाट एक महिलाको मृत्यु भएको छ। बाँसगढी नगरपालिका–४ जनचेतना सामुदायिक वन बठुवा स्थित बाघको आक्रमणबाट बिहीबार दिउँसो महिलाको मृत्यु भएको हो।

बाँके बैजनाथ गाउँपालिका–८ हस्नापुरकी ३५ वर्षीय मनिषा रोकायको बाघको आक्रमणबाट मृत्यु भएको छ। मृतक रोकाय आफ्नी दिदी बाँसगढी नगरपालिका–४ बठुवाकी ४० वर्षीय कैलाशपति थारुसँगै उनको घर जाने क्रममा बाघले आक्रमण गरेको जनाइएको छ।

मृतककी दिदी थारु सकुशल रहेको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए।