चन्द्र भण्डारी भन्छन्: जोकरको बाहुल्यता भएको देश सुधार्न जोकर नै बन्नुपर्छ

नेपाली कांग्रेसका नेता चन्द्र भण्डारीले जोकरको बाहुल्यता भएको देश सुधार्न सुधारकर्ता पनि जोकर नै बन्नुपर्ने भनी टिप्पणी गरेका छन्।

उनले यो अभिव्यक्ति को लक्षित हो भनेर भने खुलाएका छैनन्। सामाजिक सञ्जाल एक्स (ट्विटर) मा नेता भण्डारीले उक्त टिप्पणी गरेका हुन्।

उनले लेखेका छन्,‘जोकरको बाहुल्यता भएको देश सुधार्नु छ, भने सुधारकर्ता पनि जोकर नै बन्नु पर्दछ। यदि जोकर बन्न नसक्ने हो भने पिडा सहन गर्न सक्नु पर्दछ !’

पछिल्लो समय नेपाली नेताहरूमा लोकप्रियतावाद हाबी भइरहेको टिप्पणी हुँदै आएको छ। सस्तो लोकप्रियताका लागि नेताहरूले अनेक प्रकारका स्टन्टबाजी पनि गर्दै आएका छन्।

सोही कुरालाई लक्षित गर्दै नेता भण्डारीको अभिव्यक्ति आएको बुझ्न सकिन्छ।