केमिकल फ्याक्ट्रीमा विस्फोट हुँदा ८ जनाको मृत्यु

भारत महाराष्ट्रको ठाणे जिल्लामा एक फ्याक्ट्रीमा विस्फोट हुँदा ८ जनाको मृत्यु भएको छ। अन्य ६० जना घाइते भएका छन्।

भारतीय सञ्चार माध्यमहरूका अनुसार बिहीवार ठाणे जिल्लाको डोम्बिवलीमा रहेको एक रासायन फ्याक्ट्रीमा विस्फोट हुँदा आसपासका घरहरूमा पनि क्षति पुगेको छ।

महाराष्ट्र सरकारका अनुसार विस्फोटका कारण भएको आगलागीका कारण अन्य ३ फ्याक्ट्रीमा पनि नोक्सानी भएको छ भने १२ वटा गाडीमा आगलागी भएको छ।

१० जना कामदारहरू फ्याक्ट्रमा रहेको बोयलरमा रासायनसँग सम्बन्धित काम गरिरहँदा आगलागी भएर विस्फोट भएको बताइएको छ।

घटना पछि महाराष्ट्र सरकारले मृतकका परिवारलाई पाँच लाख क्षतिपूर्ति दिने घोषणा गरेको छ भने घटनाबारे छानबिन हुने पनि बताएको छ।