एसईई नतिजा : सबैभन्दा बढी विद्यार्थी गणितमा अनुर्त्तिण

२०८१ सालको माध्यमिक शिक्षा परीक्षा (एसईई) मा सबैभन्दा बढी विद्यार्थी गणित विषयमा ननग्रेडेड (एनजी) भएका छन्। राष्ट्रिय परीक्षा बोर्डका अनुसार १ लाख २८ हजार २१५ जना विद्यार्थी गणितमा फेल भएका हुन्।

बोर्ड अध्यक्ष डा. महाश्रम शर्माले पत्रकार सम्मेलनमा समग्र नतिजामा सुधार देखिए पनि गणित विषयमा अत्यधिक ननग्रेडेड हुनु दुःखद् भएको बताए।

अन्य प्रमुख विषयहरूमा पनि उल्लेख्य संख्यामा विद्यार्थी फेल भएका छन्—अंग्रेजीमा ८० हजार ६७२, विज्ञान तथा प्रविधिमा ७९ हजार २७१, नेपालीमा ५४ हजार ७३५ र सामाजिकमा ५३ हजार १८६ जनाले ननग्रेडेड पाएका छन्।